मुख्य समाचार

नेपालको समृद्धिमा एनआरएनए अध्यक्ष भट्टको सक्रियता,यस्ता छन् आगामी योजना

 गैरआवासीय नेपाली संघ (एनआरएनए) का अध्यक्ष भवन भट्ट मुलुकको समृद्धिको लागि नयाँ भीजनसहित अहोरात्र खटिरहेका छन् ।

मुलुकको समृद्धि कसरी गर्न सकिन्छ भनेर उनी यतिवेला देश तथा विदेश दौडाहमा छन् । जहाँ जान्छन–उनी देशकै विकास र समृद्धिको बारेमा बढि साक्षात्कार गर्छन् ।

अहिले नेपालमा उनी अर्बौ रुपैयाँको लगानी भित्र्याउने तयारीमा जुटेका छन् । अध्यक्ष भट्ट स्वयम नेपालको विकासमा एनआरएनएले सक्दो सहयोग पुर्याउने भन्दै महाअभियान लिएर दौडाहामा छन् । अहिले उनको नेपालमा मुख्य ध्यान बिबि एयरवेज, तामाकोशी हाईडा«ेपावर र हेटौंडा–काठमाडौं सुरुङमार्ग बनाउने हो । उक्त सुरुङ मार्गको लागि चीनीयाँ लगानी भित्र्याउने तयारीमा भट्ट जुटेका छन् । प्रधानमन्त्री केपी शर्मा ओलीको आसन्न चीन भ्रमणमा भट्टले त्यो पहल गर्ने बुझिएको छ ।

काठमाडौं–हेटौंडा सुरुङमार्ग निर्माण गर्ने जिम्मा लिएको नेपाल पूर्वाधार विकास कम्पनी लिमिटेडबाट यसअघि भट्टले अध्यक्षबाट राजीनामा दिएका थिए । तर, अहिले उनी फेरि सो पूर्वाधार विकासमा जोडिएका छन् ।

एनआरएनएको समृद्धिको एजेण्डामा विदेशमा छरिएर रहेका नेपालीहरुलाई एकीकृत गर्ने र समृद्धिको महाअभियानमा होम्याउने भट्टको सक्रियता छ ।

त्यस्तै उनले जनकपुरको जानकी मन्दिरमा अहिले बक्तिको समस्या भएकोले मन्दिर आसपासलाई नै पूरा झिलिमिली बनाउनेगरि गृहकार्य थालेका छन् । अहिले जानकी मन्दिरको दर्शन गर्न दिनहुँ हजारौं भारतीय पर्यटकहरु भित्रिएका छन् । त्यसैले मन्दिर वरिपरि सोलार लाईटको व्यवस्था गर्नेगरि उनी यतिवेला जुटेका छन् । जानकी मन्दिरका विशेषताहरु देखाउनेगरि त्यहाँ ‘बिग डिस्प्ले’ राखिदिने पनि उनको योजना छ ।

Post Comment